Kempen "Ngerembaika Penemu IT RP"

Meri besai terima kasih ngagai bala raban Rumah Panjai Kitai ke udah enggau sama-sama ngerami www.rumahpanjai.com ari taun 2003 sampai ke diatu. Enti sema bisi tesalah jaku tauka tesalah saut tauka tesalah anu tauka tekasar jako, aku minta ampun ari bala kita semua...

Enggau ngintu taun ke 5 Rumah Panjai Kitai ti deka datai (23/05/2003 - 23/05/2008), www.rumahpanjai.com enggau www.mycyberjaya.com deka meri kita subdomain rumahpanjai.com enggau PERCUMA sampai bila-bila (seagi-agi geran rumah panjai kitai diibun aku). Pengawa tu dikangau kempen "Ngerembaika Penemu IT bala Dayak" dibai www.rumahpanjai.com ti deka nyambut taun ke 5.

Pengelama 6 bulan ti deka datai (sebedau beumur 5 taun), mycyberjaya.com deka meri 50 subdomain ngagai semua bala raban. Enti bisi sambutan, ia deka ditambah agi nitih permintaan. Kempen "Ngerembai Ke Penemu IT bala Dayak" tu deka nyediaka / ngajar bala Dayak enggau percuma semua tips begaga ke website @ blog enggau identiti kitai empu.

Barang sapa ke deka enggau kempen tu, tau minta domain kita ari aku enggau cara PM di rumahpanjai.com. Temuai rumahpanjai.com ke bedau nyadi raban, register nyadi raban diatu... Rebut peluang tu....

Chunto domain dipinta :

1. shane.rumahpanjai.com ---> Blog raban ke bernama shane
2. lubokantu.rumahpanjai.com ---> Website / info rumah-rumah panjai di area Lubok Antu
3. trdavid.rumahpanjai.com ---> Website rumah panjai TR David
4. pantang.rumahpanjai.com ---> Blog pengawa bepantang
5. tenun.rumahpanjai.com ---> Blog pengawa betenun
6. ngajat.rumahpanjai.com ---> Blog pengawa ngajat
7. gawai.rumahpanjai.com ---> Blog pengawa kitai begawai

Serta maioh agi. Pikir-pikir ke dia meh idea baru.... Sapa dulu ia ngempu (kira co-owner rumahpanjai.com mehnya)

Nyadi free hosting deka dikena kitai ianya blogspot.com, Ulih digaga nyadi blog @ website.... (Nuju blogger blogspot.com, kita ulih minta serta ngena subdomain diatu) Cara setting deka diajar..... Cara ubah suai deka diajar..... Template khas RP deka disediaka (Nadai bar blogspot.com di atasnya, Chunto baka blog aku tu)

Enda lama agi, Rumah Panjai Kitai bisi seribu wajah. Mungkin bisi web @ blog of the month kini ba rumahpanjai.com ila. Sama-sama meh kitai ngemujurka pengawa kempen "Ngerembai Ke Penemu IT bala Dayak" rumahpanjai.com tu. Nuju bala ke enda kala ngaga web @ blog, tu meh maia ia belajar nambah penemu. Tunjuk ajar diberi percuma...

Betemu baru ila, Serta selamat ulang taun ke 5 ti deka datai ngagai Rumah Panjai Kitai....

Bah mupok dulu.